>
На
цяперашні час у калоніі № 20 у Міхалкоўскім сельсавеце Мазырскага раёна
знаходзяцца 8 грамадзян, якіх праваабаронцы лічаць палітычнымі зняволенымі.
Размяшчаем іх спіс.
Гэтыя людзі кінутыя за краты
пасля пратэстаў, якія адбыліся ў Беларусі ў 2020 г. з-за недаверу да абвешчаных
вынікаў прэзідэнцкіх выбараў. Для асуджэння грамадзян па палітычных прычынах
беларускі правячы рэжым выкарыстоўвае абвінавачанні ў “грубым парушэнні
грамадскага парадку”, “пагрозе ў дачыненні да супрацоўніка органаў унутраных
спраў”, “масавых беспарадках” і т. п.
4 чалавекі з ліку
палітзняволеных у калоніі № 20 асуджаны другі раз за “злоснае непадпарадкаванне
патрабаванням адміністрацыі” калоніі. На практыцы гэта адбываецца пасля
некалькі спагнанняў, якія наўмысна накладаюцца ў калоніях на палітзняволеных па
надуманых прычынах.
У Мазырскім раёне яшчэ 18
палітзняволеных https://palesse.press/news.php?slug=9483
адбываюць пакаранні ў папраўчай установе адкрытага тыпу (ПУАТ) № 21 у Мазыры.
Акрамя таго, па Гомельскай
вобласці палітзняволеныя знаходзяцца ў жаночай калоніі № 24 у г. п. Зарэчча
Рэчыцкага раёна (4 палітзняволеныя-жанчыны), жаночай калоніі № 20 у Гомелі (122
палітзняволеныя-жанчыны), ПУАТ № 17 у Гомелі (10) і СІЗА № 3 у Гомелі (17, у т.
л. 4 жанчыны).
Агульная колькасць
палітзняволеных на цяперашні час у месцах зняволення ў Гомельскай вобласці –
179, ва ўсёй краіне – 1409.
На
здымку: Аляксей Драб. Прыгавораны да 5 гадоў пазбаўлення волі за тое, што
перашкаджаў АМАПу затрымаць удзельніка мірнай акцыі пратэсту.
Спіс
палітзняволеных у ПК № 20, Міхалкоўскі сельсавет Мазырскага раёна (звесткі на
15.01.2024)
Прозвішча, імя, дата нараджэння (чысло – месяц),
дата затрымання, артыкулы Крымінальнага кодэкса, па якіх асуджана.
Драб Аляксей - 04-20, 2020-10-20; арт. 364 – гвалт альбо пагроза прымянення гвалту ў
дачыненні да супрацоўніка органаў унутраных спраў.
Камароўскі Аляксей - 2022-12-23; арт. 364 – гвалт альбо пагроза
прымянення гвалту ў дачыненні да супрацоўніка органаў унутраных спраў; арт. 365
– умяшальніцтва ў дзейнасць супрацоўніка органаў унутраных спраў; арт. 369 –
абраза прадстаўніка ўлады.
Осіпаў Ціхан - 01-31, 2020-08-14; ч. 1 арт. 14 і арт. 362 – замах на забойства супрацоўніка
органаў унутраных спраў, ваеннаслужачага; ч. 2 арт. 293 – масавыя беспарадкі; арт.
400 – заведама ілжывы данос; арт. 411 – злоснае непадпарадкаванне патрабаванням
адміністрацыі папраўчай установы, якая выконвае пакаранне ў выглядзе
пазбаўлення волі.
Прапольскі Яўген - 12-20, 2020-09-29; ч. 1 арт. 13 і ч. 3 арт. 218 –
падрыхтоўка да наўмыснага знішчэння ці пашкоджання чужой маёмасці; ч. 1 арт. 13
і ч. 2 арт. 293 – падрыхтоўка да ўдзелу ў масавых беспарадках; арт. 411 –
злоснае непадпарадкаванне патрабаванням адміністрацыі папраўчай установы, якая
выконвае пакаранне ў выглядзе пазбаўлення волі.
Пяскоў Павел - 06-14, 2020-09-18; арт. 363 – супраціў
супрацоўніку органаў унутраных спраў альбо іншай асобе, якая ахоўвае грамадскі
парадак; арт. 411 – злоснае непадпарадкаванне патрабаванням адміністрацыі
папраўчай установы, якая выконвае пакаранне ў выглядзе пазбаўлення волі.
Старавойтаў Сяргей - 04-03, 2022-06-24; арт. 342 – арганізацыя і
падрыхтоўка дзеянняў, якія груба парушаюць грамадскі парадак, альбо актыўны
ўдзел у іх.
Філончык Дзяніс - 09-02, 2021-12-02; ч. 1 арт. 14 і ч. 2 арт. 357 – замах на змову з мэтай захопу
дзяржаўнай улады неканстытуцыйным шляхам; арт. 361-1 – стварэнне экстрэмісцкага
фарміравання альбо ўдзел у ім.
Ярашэвіч Сяргей - 06-16, 2020-10-02; ч. 2 і 3 арт. 293 – масавыя
беспарадкі; арт. 411 – злоснае непадпарадкаванне патрабаванням адміністрацыі
папраўчай установы, якая выконвае пакаранне ў выглядзе пазбаўлення волі.
Адрас для паштовак, лістоў і
тэлеграм: ПК № 20, Міхалкоўскі сельсавет, 70,
Мазырскі р-н, Гомельская вобл., 247755.
