>
У палітычнага зняволенага Яўгена Прапольскага, які
знаходзіцца ў калоніі № 20 у Міхалкаўскім сельсавеце Мазырскага раёна – дзень народзінаў
20 снежня. Яго можна павіншаваць, даслаўшы паштоўку, ліст альбо тэлеграму.
Яўген Прапольскі працаваў зваршчыкам Мінскага трактарнага
заводу. Ён быў затрыманы 29 верасня 2020 г. і змешчаны ў турму № 4 ў Магілёве.
5 лістапада 2020 г. праваабаронцы прызналі яго палітзняволеным. 19 ліпеня 2021
г. ў судзе Ленінскага раёна Мінска ён быў прыгавораны да 8 гадоў пазбаўлення
волі ў калоніі ўзмоцненага рэжыму за ўдзел у «Тэлеграм»-чаце «радыкальнага
напрамку».
Са снежня 2021 г.
знаходзіўся ў калоніі № 2 ў г. Бабруйску (Магілёўская вобласць). Адміністрацыя
калоніі шматразова змяшчала яго ў штрафны ізалятар і памяшканне камернага тыпу,
а затым ініцыявала супраць яго новую крымінальную справу за
«непадпарадкаванне».
3 траўня 2023 г. у
судзе г. Бабруйска і Бабруйскага раёна Яўгена Прапольскага асудзілі па новай
крымінальнай справе за «злоснае непадпарадкаванне» адміністрацыі калоніі. У
выніку тэрмін зняволення па двух прыгаворах складае 9,5 гадоў калоніі строгага
рэжыму. Напрыканцы траўня палітзняволенага этапавалі ў калонію № 20.
Напісаць яму можна на
адрас: Прапольскаму Яўгенію
Уладзіміравічу, ПК № 20, Міхалкаўскі сельсавет, 70, Мазырскі р-н, Гомельская
вобл., 247755.
Нагадаем, што на
цяперашні час агульная колькасць палітзняволеных у Беларусі – 1450.
На здымку: Яўген Прапольскі.
