>
3
жніўня Еўрапейскі Саюз увёў новыя абмежавальныя меры ў сувязі з сітуацыяй у
Беларусі і ўдзелам Беларусі ў расійскай агрэсіі супраць Украіны. У спіс
уключана жыхарка Мазыра Галіна Кніжонак, якую Лукашэнка прызначыў на пасаду
суддзі і якая “нясе адказнасць за сур'ёзныя парушэнні правоў
чалавека і за сур'ёзны падрыў вяршэнства закона, а таксама за рэпрэсіі”.
Агулам у спісе 38 фізічных асоб і 3 юрыдычныя.
Санкцыі ўведзены адносна трох фізічных і адной юрыдычнай асобы ў Гомельскай
вобласці. Сярод іх – прызначаная Лукашэнкам на пасаду суддзі суда Мазырскага
раёна Кніжонак Галіна Сяргееўна. У
рашэнні ЕС адзначаецца:
“На пасадзе суддзі суда Мазырскага раёна Галіна Кніжонак нясе адказнасць
за шматлікія палітычна матываваныя прысуды ў дачыненні да ўдзельнікаў мірных акцый,
у прыватнасці, прысуды Глебу Койпішу, Уладзіславу Ганчарову, Аляксандру Цімашэнку і Данілу Скіпальскаму. Яна
прысуджала людзей да пазбаўлення волі за ўдзел у мірных акцыях пратэсту супраць
рэжыму Лукашэнкі. Такім чынам, яна нясе адказнасць за сур'ёзныя парушэнні
правоў чалавека і за сур'ёзны падрыў вяршэнства закона, а таксама за рэпрэсіі
супраць грамадзянскай супольнасці і дэмакратычнай апазіцыі ў Беларусі”.
У Гомельскай вобласці пад абмежавальныя меры
патрапілі таксама прызначаны Лукашэнкам на пасаду суддзі Гомельскага абласнога
суда Харошка Алег Уладзіміравіч і
начальніца папраўчай калоніі № 4 ў Гомелі Паходава
Святлана Паўлаўна. Алег Харошка вёў, у прыватнасці, працэс, на якім
былі асуджаны палітычныя зняволеныя з Мазыра Сяргей Пляшкун і Юрый Сельвіч.
Пад санкцыі ў Гомельскай вобласці патрапіла
таксама адна юрыдычная асоба – ААТ «БМЗ – упраўляючая кампанія холдынга «БМК»
(Жлобін).
Дакумент апублікаваны
на афіцыйным сайце ЕС.
