У красавіку – дні народзінаў у двух палітзняволеных з Мазыра

Цімур Казачэнка 11.04.2023

У палітычных зняволеных Дзмітрыя Цыба і Уладзіслава Ганчарова з Мазыра ў гэтым месяцы дні народзінаў. Ім можна напісаць паштоўку, ліст альбо тэлеграму.

Дзмітрый Цыб (на фота) адзначыў свой 31 дзень нараджэння 8 красавіка. Ён асуджаны на 2 гады абмежавання волі з накіраваннем у папраўчую ўстанову адкрытага тыпу (ПУАТ) паводле артыкула 369 Крымінальнага кодэксу – «Абраза прадстаўніка ўлады». Прычынай стаў допіс у сацыяльнай сетцы «У кантакце» пра міліцыянтаў, які суд палічыў абразлівым. З 20 студзеня 2022 г. грамадзянін адбывае пакаранне. 27 студзеня 2022 г. праваабаронцы прызналі яго палітзняволеным.

Яму можна напісаць на адрас: Цыб Дзмітрый Віктаравіч, ПУАТ № 39, вул. Армейская, 32, г. Крупкі, Мінская вобл., 222002.

19 красавіка палітзняволены жыхар Мазыра УладзіслаўГанчароў сустрэне свае 46-годдзе. Ён асуджаны  22 чэрвеня 2022 г. да 2 гадоў пазбаўлення волі ў калоніі агульнага рэжыму за «абразу прэзідэнта», «абразу прадстаўніка улады» і «здзек з дзяржаўных сімвалаў». 12 ліпеня 2022 г. прываабаронцы прызналі яго палітзняволеным.

Напісаць яму можна на адрас: Ганчароў Уладіслаў Валер'евіч, СІЗА № 3, вул. Кніжная, 1А, г. Гомель, 246003.