>>
На бягучым тыдні ў Рэчыцы,
Ельску і Мазыры зноў вядуцца судовыя працэсы, звязаныя з палітычнай абстаноўкай
у краіне.
У судзе Рэчыцкага раёна 28
лістапада ў 10 гадзін пачалося пасяджэнне па справе, у якой абвінавачаны – Дзяніс Пырх. Яго судзяць па трох
артыкулах Крымінальнага кодэкса: частка 1 артыкула 368 – «Абраза Прэзідэнта
Рэспублікі Беларусь», 369 – «Абраза прадстаўніка ўлады» і 369-1 –
«Дыскрэдытацыя Рэспублікі Беларусь». Справу вядзе суддзя Марына Кацуба.
У Ельску 29 лістапада ў 10
гадзін працягнецца судовы працэс, на якім падсуднай з’яўляецца Наталля Суханіцкая. Яна абвінавачана паводле часткі 1 арт. 368 КК. Судзіць
грамадзянку старшыня суда Ельскага раёна Яўгеній
Карнеявец у закрытым рэжыме – гэта значыць, на працэс у зал суда не
дапускаюцца сваякі падсуднай і іншыя наведвальнікі.
У Мазыры 1 снежня ў 10
гадзін 30 хвілін таксама ў закрытым рэжыме працягнецца суд па справе
палітычнага зняволенага Яўгена Віславуха. Суддзя па яго справе – Галіна Кніжонак.
