>>>
22 лістапада ў судзе Ельскага раёна разглядаецца крымінальная справа па
частцы 1 артыкула 368 Крымінальнага кодэкса – «Абраза прэзідэнта Рэспублікі
Беларусь».
Судовае пасяджэнне пачнецца ў 15 гадзін. Абвінавачанай па справе з’яўляецца
Наталья Суханіцкая. Справу вядзе
суддзя Яўгеній Карнеявец – старшыня суда.
Суд будзе праходзіць у закрытым рэжыме – гэта значыць, на ім не змогуць
прысутнічаць сваякі падсуднай і іншыя наведвальнікі.
Як правіла, прычынай для падобных крымінальных спраў пасля прэзідэнцкіх
выбараў 2020 г. з’яўляюцца выказванні, напісаныя ў інтэрнеце. У цяперашні час у
месцах зняволення ў Беларусі па артыкуле 368 КК знаходзяцца 232 чалавекі, якіх
праваабаронцы прызналі палітычнымі зняволенымі. А агульная колькасць
палітзняволеных у краіне – 1451.
Нагадаем, што напрыканцы мінулага месяца ў Ельску быў затрыманы, але затым
адпушчаны дырэктар мясцовага камунгаса.
На гэтым тыдні ў Гомельскай вобласці яшчэ 7 палітычна матываваных працэсаў праходзяць у Гомельскім абласным судзе, 1 працэс – у судзе Жлобінскага раёна і 1 – у судзе Навабеліцкага раёна Гомеля. Падобная колькасць судовых працэсаў, звязаных з палітычнай абстаноўкай, адбываецца ў апошні час штотыдзень.
На здымку: суд Ельскага
раёну.
