>
У трох палітычных зняволеных, якія знаходзяцца
ў калоніі № 20 і папраўчай установе адкрытага тыпу № 21 у Мазырскім раёне, у
кастрычніку – дні нараджэння. Іх можна павіншаваць, даслаўшы паштоўку, ліст
альбо тэлеграму.
10
кастрычніка дзень народзінаў
адзначае палітзняволены Раман Смолькін з Салігорска Мінскай вобласці, які адбывае
пакаранне ў 9 месяцаў пазбаўлення волі. Яму можна пісаць на адрас: папраўчая калонія № 20, Міхалкаўскі
сельсавет, 70, Мазырскі р-н, Гомельская вобл., 247755. У дадзенай калоніі
на цяперашні час 3 палітзняволеных.
11
кастрычніка свой дзень
народзінаў адзначыць Яўген Калпачык
з Брэста, якому споўніцца 31 год. Ён і яшчэ 9 чалавек асуджаны па адной
крымінальнай справе за удзел у масавай акцыі, якая адбылася 13 верасня 2020 года
ў Брэсце, пасля прэзідэнцкіх выбараў. Прыгавор вынес 25 лютага 2021 г. суд
Ленінскага раёна г. Брэста паводле часткі 1 артыкула 342 Крымінальнага кодэкса
– «Арганізацыя і падрыхтоўка дзеянняў, якія груба парушаюць грамадскі парадак,
альбо актыўны ўдзел у іх». Пакаранне – 1,5 гады абмежавання волі з накіраваннем
у папраўчую ўстанову адкрытага тыпу (ПУАТ) – грамадзянін адбывае з 6 чэрвеня 2021 г., а 8 чэрвеня 2021 г.
праваабаронцы прызналі яго палітзняволеным.
30
кастрычніка 24-годдзе
адзначыць Дзмітрый Іваноў, які
асуджаны на 3 гады абмежавання волі з накіраваннем у ПУАТ – па тым жа самым
артыкуле 342 КК за ўдзел у акцыях пратэсту. Ён адбывае пакаранне з 1 ліпеня
2022 года, і прызнаны палітзняволеным 13 ліпеня.
Ім абодвум можна пісаць на адрас: ПУАТ № 21, бульвар Юнацтва, 24, г. Мазыр,
Гомельская вобл., 247783. У гэтай ПУАТ зараз знаходзяцца 17
палітзняволеных.
На здымку: Яўген Калпачык.
