>
Папраўчая
ўстанова адкрытага тыпу (ПУАТ) № 21 у Мазыры «выйшла» на другое месца ў
Гомельскай вобласці па колькасці палітычных зняволеных, якія там утрымліваюцца.
На цяперашні час у гэтай установе
знаходзяцца 20 чалавек, якіх праваабаронцы прызналі палітзняволенымі.
Першае
месца ў гэтай сумнай статыстыцы ў вобласці зараз займае жаночая папраўчая
калонія (ПК) № 4 ў Гомелі. Там на сённяшні дзень знаходзяцца 107
палітзняволеных-жанчын. Працяглы час пасля прэзідэнцкіх выбараў 2020 г.
найвялікшая колькасць палітзняволеных на Гомельшчыне ўтрымлівалася ў СІЗА № 3 у
Гомелі, але па меры правядзення судовых працэсаў іх этапавалі ў іншыя месцы
зняволення ў асноўным за межы вобласці. Цяпер у СІЗА-3 утрымліваюцца 19
палітзняволеных.
Палітзняволеныя
на цяперашні час знаходзяцца таксама ў ПУАТ-17 у Гомелі – 12 чалавек, у ПК-20 у
Міхалкаўскім сельсавеце Мазырскага раёна – 5, у жаночай ПК-24 у г. п. Зарэчча
Рэчыцкага раёна – 3, і па адным чалавеку ў ізалятарах часовага ўтрымання ў
Гомелі і Рэчыцы. Агульная колькасць палітзняволеных, такім чынам, у Гомельскай
вобласці складае 168 чалавек. Гэта лічба не нашмат змянілася за год: у ліпені
мінулага года ў вобласці налічваўся 171 палітзняволены (найбольшая колькасць
якіх на той час была ў СІЗА-3).
Што тычыцца мазырскай ПУАТ, то колькасць палітзняволеных там за год зменшылася: у лістападзе мінулага год іх было 27, за прайшойшы час у некалькіх чалавек тэрміны зняволення закончыліся. Тым не меньш, як гэта установа, так і г. Мазыр зараз займаюць сумнае другое месца па колькасці палітзняволеных у Гомельскай вобласці. У цэлым у краіне зараз налічваецца 1481 палітзняволены.
На
здымку: ПУАТ № 21 у Мазыры.
