>
Міністэрства па надзвычайных сітуацыях паведаміла пра
пажар на тэрыторыі нафтаперапрацоўчага завода і пра аднаго пацярпелага.
“Падраздзяленні МНС працавалі па паведамленні аб
узгаранні на тэрыторыі ААТ “Мазырскі НПЗ”. Паводле папярэдняй інфармацыі, ёсць
пацярпелы. Падрабязнасці пазней”, — паведаміла МНС у сваім тэлеграм-канале.
Гэта не першы вядомы выпадак узгарання на НПЗ у бягучым годзе. У жніўні МНС паведамляла, што на НПЗ адбыўся пажар з факельным гарэннем. Беларускія ратавальнікі аператыўна ліквідавалі ўзгаранне.
