>>
МНС Беларусі паведаміла, што на Мазырскім нафтаперапрацоўчым заводзе днямі адбыўся пажар з факельным гарэннем. Беларускія ратавальнікі аператыўна ліквідавалі ўзгаранне.
Полымя прабівалася з засаўкі
ўстаноўкі па вытворчасці бензіну на
вышыні болей за 40 метраў. Пацярпелых і абпаленых няма. Прычына
ўзгарання высвятляюцца.
Цікава, што гэты
пажар здарыўся праз тыдзень пасля афіцыйнага папярэджання, атрыманага ад СБУ (Служба бяспекі Украіны).
Нагадаем, што яшчэ 4 жніўня Служба бяспекі Украіны
папярэдзіла,
што расейская дыверсійна-выведвальная група, якая складаецца з кадравых
афіцэраў ГРУ РФ, і якая цяпер знаходзіцца ў Беларусі пад выглядам т.зв.
«добраахвотнікаў-вагнераўцаў», рыхтуе правакацыю менавіта на Мазырскім
нафтаперабываючым заводзе з мэтай уцягвання Беларусі ў сапраўдную поўнамаштабную
вайну з Украінай.
СБУ атрымала неабвержныя разведдадзеныя, якія сведчаць аб падрыхтоўцы
расейскімі спецслужбамі маштабнай вайсковай правакацыі пад "чужым сцягам".
Інфармацыю аб гэтым запланаваным тэракце супрацоўнікі СБУ
атрымалі па некалькіх крыніцах. У прыватнасці – з паказанняў афіцэра выведкі ВС РФ, якога з
дапамогай хітрасці ўкраінскія спецслужбы ўзялі ў палон.
