>
Пра затрыманні былых супрауоўнікаў "Ранка" паведаміў на сваёй старонцы ў сацсетках адзін з былых супрацоўнікаў незалежнага тэлеканала.
Паводле крыніцы, былую галоўную рэдактарку Юлію Даўлетаву пасля допыту
змясцілі ў ІЧУ Жлобіна, там жа знаходзіцца журналістка тэлеканала Людміла
Андэнка.
Праваабаронцы паведамляюць, што адсутнічае сувязь з
дырэктаркай Аленай Шчэрбін.
Паводле "Гомельскай вясны", двух жанчын вінавацяць у «садзейнічанні экстрэмісцкай дзейнасці».
Нагадаем, пасля сюжэту пра выбух на Светлагорскім ЦКК
былі затрыманыя 8 супрацоўнікаў «Ранку», а сайт і сацсеткі "Ранка" прызнаныя "экстрэмісцкімі" матэрыяламі.
Адпаведнае рашэнне было прынятае судом Чыгуначнага раёна
Гомеля 4 ліпеня.
11 чэрвеня ў Светлагорску былі затрыманыя восем
супрацоўнікаў тэлеканалу «Ранак». Сапраўднай прычынай для затрымання мог стаць
сюжэт пра выбух на Светлагорскім ЦКК, у якім загінула тры чалавекі.
На ўсіх затрыманых склалі пратаколы па
ч. 2 арт. 19.11 КаАП. Мужчынам прысудзілі па 7 сутак адміністрацыйнага арышту,
жанчынам — штрафы ў памеры 25 б. в.
