У Мазыры пачаў адбываць пакаранне Барыс Несцяровіч
Цімур Казачэнка
01.08.2022
>
28 ліпеня ў папраўчай установе адкрытага тыпу
№ 21 у г. Мазыры пачаў адбываць пакаранне Барыс
Несцяровіч, якога праваабаронцы прызналі палітычным зняволеным.
35-гадовы Барыс
Віктаравіч Несцяровіч з г. Вілейка Мінскай вобласці быў затрыманы 11
лістапада 2021 года ў Вілейцы і змешчаны ў ізалятар часовага ўтрымання ў
Мінску. Яму прад’явілі абвінавачанне паводле артыкула 342 Крымінальнага кодэкса
– “Арганізацыя і падрыхтоўка дзеянняў, якія груба парушаюць грамадскі парадак,
альбо актыўны ўдзел у іх”. Размова ідзе пра мітынг “Маршы новай Беларусі” 23
жніўня 2020 г.
Грамадзянін быў пераведзены ў СІЗА-1 у Мінску
і ўтрымліваўся там амаль 5 месяцаў у якасці абвінавачанага, у дачыненні да
якога выкарыстана мера стрымання ў выглядзе заключэння пад варту. 25 лістапада
2021 г. праваабаронцы прызналі яго палітзняволеным, паколькі “Маршы новай
Беларусі” праходзілі як мірныя сходы і нікому не пагражалі.
7 красавіка 2022 г. суд Ленінскага раёна г.
Мінска прыгаварыў вілейчука да 2 год абмежавання волі з накіраваннем у
папраўчую ўстанову адкрытага тыпу (ПУАТ). Справу разглядала суддзя Ачалава Анастасія Васільеўна. Пасля
абвяшчэння прыгавору асуджаны быў вызвалены ў залі суда да накіравання ў папраўчую
ўстанову.
Для адбыцця пакарання жыхару Вілейкі было
прадпісана з’явіцца ў Мазыр. Акрамя яго, у гэтай установе адбываюць пакаранні
яшчэ 18 палітзняволеных. Дасылаць паштоўкі і лісты ім можна на адрас:
ПУАТ № 21, бульвар Юнацтва, 24, г. Мазыр, 247783.
На
фота: Барыс Несцяровіч.