Супрацоўнікі Губаз з Мінску правялі ператрус у жыхара Мазыра

Жорж Кунцэвіч 07.07.2022

У Мазыры 6 ліпеня быў затрыманы мясцовы актывіст Арцём Савіцкі. Прычым сілавікі знайшлі яго ў вёсцы, дзе ён быў па гаспадарчых справах.

Яго адвезлі ў горад, дзе па месцы жыхарства правялі ператрус у межах нейкай крымінальнай справы. Вядома таксама, што ператрус праводзілі супрацоўнікі Губаз з Мінску.

Гэта не першы ператрус у Савіцкага. 20 студзеня 2021 года ў Мазыры прайшлі ператрусы ў двух сем’ях у межах праверкі ў крымінальнай справе. Пры гэтым у аднаго з жыхароў горада – Арцёма Савіцкага, міліцыянты забралі сярод іншага і флэш-картку ад фотаапарату. Саміх гаспадароў кватэраў затрымалі. Супрацоўнікі міліцыі знайшлі ў ім некалькі здымкаў, на якіх група людзей сфатаграфаваная ў лесе ў заказніку «Мазырскія яры» з нацыянальным бел-чырвона-белым сцягам, а таксама плакатам з надпісам «Жыве Беларусь!» Гэта расцанілі як пікетаванне і ўсіх удзельнікаў прысудзілі да адміністрацыйных штрафаў.


Хто яны, рэчыцкія "экстрэмісты"?

Жорж Кунцэвіч 21.07.2022