>>
Стала вядома прозвішча жанчыны, супраць якой у Нароўлі ўзбудзілі крымінальную справу па падазрэнні ў у распальванні іншай сацыяльнай варожасці паводле ч. 1 арт. 130 Крымінальнага кодэкса. Гэта Наталля Маркушэнка.
Нагодай для крымінальнай справы стаў каментар жанчыны у Instagram наступнага зместу: “Белорусское руководство ничего не будет делать против РАШИСТОВ!!! Оно ж ими кормится!!!!”. Менавіта гэтую фразу палічылі «распальваючай варожасць, паведамляе “Гомельская вясна”.
Нагадаем, следчая Нараўлянскага РАСК Яна Дрэвіла паведаміла, штоў у красавіку
2022 года грамадзянка М., выкарыстоўваючы свой мабільны тэлефон, падпісалася на
адзін з акаўнтаў сацыяльнай сеткі «Instagram», матэрыялы якой пастановай суда
прызнаныя экстрэмісцкімі.
"З мэтай распальвання сацыяльнай варожасці або
варожасці ў адносінах да расійскіх вайскоўцаў, яна наўмысна размясціла каментар
у адкрытым доступе, адрасаваны неабмежаванаму колу асоб, у якім маецца
негатыўная ацэнка групы асоб, звязаная з фарміраваннем у адрасата негатыўнага
сацыяльнага стэрэатыпу", - паведаміла следчая.
Жанчыну ўзялі пад варту. Цяпер ёй можа пагражаць
пакаранне ў выглядзе штрафу або арышту, або абмежавання волі на тэрмін да пяці
гадоў, або пазбаўленне волі на той жа тэрмін.
