Планы гарадскіх
уладаў пабудаваць новы мікрараён на месцы адзінай у горадзе зялёнай зоны
сталага ўзросту выклікалі непрыманне вялікай колькасці гараджан. Людзі збіраюць
подпісы супраць.
Рэчыцкі райвыканкам абвясціў грамадскае абмеркаванне
дэтальнага плану забудовы ўчатка, плошчаю 8,54 гектары на скрыжаванні вуліц
Савецкай і Моладзевай. Зараз там знаходзіцца адзіная зялёная зона са сталых
дрэваў, якая захавалася ў горадзе.
На 6 чэрвеня а 10-й гадзене ў Гарадскім палацы
культуры была абвешчаная прэзентацыя гэтага праекту. Але менш чым за суткі да яе на сайце Рэчыцкага райвыканкаму з'явілася паведамленне, што прэзентацыі не будзе.
Каарднытар Таварыства «Горад для гараджан» Дзяніс Кобрусеў пракаментаваў для Палескай Вясны сітуацыю, якая склалася, такім чынам:
«Прэзентацыя праекта - абавязковы складнік правядзення грамадскіх абмеркаванняў. Аб гэтым гаворыцца ў пунктах 9 і 11 "Палажэння аб парадку правядзення грамадскіх абмеркаванняў у галіне архітэктурнай, горадабудаўнічай і будаўнічай дзейнасці”. Адмена прэзентацыі праекта і спасылка Рэчыцкага райвыканкама на неспрыяльную эпідэміялагічную сітуацыю выглядае хутчэй маніпуляцыяй працэдурамі, чым рэальным станам рэчаў. Бо ў выпадку неспрыяльнай эпідэміялагічнай сітуацыі трэба альбо пераносіць грамадскія абмеркаванні на час, калі сітуацыя з COVID-19 нармалізуецца. Альбо павялічваць тэрміны грамадскага абмеркавання, каб даць гараджанам больш часу атрымаць адказы на свае пытанні па праекце, якія б яны маглі атрымаць на прэзентацыі, альбо праводзіць прэзентацыю ў анлайн-фармаце. Нічага з гэтага не зроблена, таму гараджане могуць прапаноўваць Рэчыцкаму райвыканкаму гэтыя варыянты, а ў выпадку адмовы ад іх, абскарджваць вынікі і працэдуру грамадскага абмеркавання ў органах пракуратуры»
Тым часам рэчычане збіраюць подпісы пад петыцыяй супраць знішчэння
зялёнай зоны. Усяго за палову дня петыцыя сабрала больш за 60 подпісаў.