>
16
лістапада – дзень народзінаў у палітзняволенай з Мазыра Вольгі Шэўчык, якая
знаходзіцца ў калоніі ў Гомелі. Яе можна павіншаваць, даслаўшы паштоўку, ліст
альбо тэлеграму.
Жыхарка Мазыра Вольга Шэўчык была затрымана
6 сакавіка 2022 г. Яна рэалізавала сваё права на свабоу выказвання меркаванняў праз
некалькі каментароў у інтэрнеце і ўдзельнічала ў мірных пратэстах. За гэта яе
абвінавацілі паводле шэрагу артыкулаў Крымінальнага кодэкса: 130 – «Распальванне
расавай, нацыянальнай, рэлігійнай альбо іншай сацыяльнай варожасці альбо
варажнечы», 342 – «Арганізацыя і падрыхтоўка дзеянняў, якія груба парушаюць
грамадскі парадак, альбо актыўны ўдзел у іх», 369 – «Абраза прадстаўніка
ўлады», 389 – «Пагроза ў дачыненні
да суддзі альбо народнага засядацеля», 391 – «Знявага
суддзі альбо народнага засядацеля». Да суда Вольгу ўтрымлівалі ў СІЗА № 3 у
Гомелі.3 лістапада 2022 г. праваабаронцы прызналі яе палітычнай зняволенай.
Судовы працэс супраць Вольгі вёўся ў
Гомельскім абласным судзе ў закрытым рэжыме – гэта значыць, на ім не маглі
прысутнічаць яе сваякі і іншыя наведвальнікі, а ўдзельнікам працэсу было
забаронена разгалошваць тое, што там адбываася. Жанчыну прыгаворылі да
зняволення ў калоніі агульнага рэжыму. Акрамя таго, 22 лютага 2023 г. КДБ
уключыў яе ў «спіс тэрарыстаў». Зняволеным, унесеным у гэты спіс, забаронена
атрымліваць грашовыя пераводы. 24 лютага МУС унёс Вольшу Шэўчык у спіс
асоб, якія «маюць дачыненне да экстрэмісцкай дзейнасці».
Тэрмін зняволення, да якога прыгаворана
Вольга, праваабаронцамі высвятляецца. Жанчына мае 2-х непаўнагадовых дзяцей.
Напісаць Вользе можна на адрас: Шэўчык
Вольга Уладзіміраўна, папраўчая калонія № 4, вул. Антошкіна, 3, г. Гомель,
246035.
У гомельскай жаночай калоніі зараз знаходзяцца
107 палітзняволеных-жанчын.
