У Светлагорску ў апошні дзень прыцягнення да адказнасці завочна і закрыта асудзілі сямейную пару

Палеская Вясна 14.01.2021

>

Адміністрацыйную справу міліцыянты склалі без выкліку ў міліцыю тых, каго абвінавачвалі ў правапарушэнні, і без апытанняў, а суд прайшоў завочна і закрыта.

13 студзеня мінаў двухмесячны тэрмін прыцягнення да адказнасці за рэквіем каля помніка «Жалобны звон», дзе светлагорцы ўшаноўвалі памяць забітага ў Мінску на Плошчы пераменаў Рамана Бандарэнкі. Некаторых удзельнікаў рэквіему пазатрымлівалі яшчэ да Калядаў і, спяшаючыся, судзілі 11 і 12 студзеня.

Але пра мужа і жонку Паўла і Анастасію Халуніных, відаць, міліцыянты позна ўспомнілі. Ім 11 студзеня ўвечары патэлефанаваў нейкі чалавек, які прадставіўся супрацоўнікам міліцыі, і сказаў, што трэба іх апытаць. Пры гэтым чалавек не сказаў з якой нагоды і ў якім статусе яны мусяць быць апытаныя. Але  суджэнцы ў той час знаходзіліся ў іншым горадзе, куды паехалі на святы. Выкліку ў міліцыю яны так і не атрымалі.

13 студзеня ў суд прыйшлі іншыя актывісты. Ніякіх абвестак пра судовае паседжанне па абвінавачванні кагосьці з Халуніных у нейкім правапарушэнні на стэндзе з раскладам паседжанняў не было. І да заканчэння дня ні ў адной з залаў актывісты не дачакаліся паседжання па справах Халуніных.

Але ўжо 14 студзеня аднаму з актывістаў стала вядома, што суддзя Галіна Гулевіч прыняла рашэнне аб прызнанні Паўла і Анастасіі Халуніных вінаватымі ў правапарушэнні, прадугледжаным артыкулам 23.34 і прызначыла ім абодвум штрафы ў памеры па 30 базавых вялічыняў кожнаму. Халуніны лічаць такое складанне і разгляд адміністрацыйнай справы, а, адпаведна, і прынятае рашэнне незаконным і маюць намер абскарджваць яго. 

22 чэрвеня на світанні…

Жорж Кунцэвіч 09.06.2022