За распальванне варожасці судзяць жыхара Рэчыцы

Цімур Казачэнка 27.07.2022

>

У Гомельскім абласным судзе 27 ліпеня судзяць жыхара г. Рэчыца Уладзіміра Прадкіна – за размяшчэнне ў сацыяльных сетках літаратуры пра нацысцкую Германію і таталітарныя часы ў СССР.

Уладзімір Прадкін размясціў у 2018 г. у сацыяльных сетках мемуары нямецкага генерала, а таксама свой фотаздымак у форме нямецкага афіцэра, зроблены падчас здымкаў мастацкага фільма ў Расіі. Грамадзяніна абвінавацілі ў рэабілітацыі і прапагандзе нацызма, пераглядзе вынікаў II сусветнай вайны. У зале суда 54-гадовага Прадкіна ахоўвае канвой з 4-х міліцыянтаў.

Справа вядзецца паводле часткі 1 артыкула 130 Крымінальнага кодэкса – “Распальванне расавай, нацыянальнай, рэлігійнай ці іншай сацыяльнай варожасці альбо варажнечы”, і ч. 1 арт. 342-1 – “Прапаганда самазабойства”. Па першым артыкуле падсуднаму пагражае да 5 год пазбаўлення волі, па другім – абмежаванне волі да 2-х год.

Абвінавачаны быў затрыманы 9 снежня 2021 г., змешчаны на 3 дні ў ізалятар часовага ўтрымання Рэчыцкага РАУС, затым адпушчаны пад падпіску аб нявыездзе. У цяперашні час ён ўтрымліваецца ў СІЗА № 3 у Гомелі.

Справа разглядаецца не ў раённым, а ў абласным судзе, гэта значыць, Гомельскі абласны суд з’яўляецца па гэтай справе судом першай інстанцыі. Разам у другой палове ліпеня Гомельскі абласны суд разглядае ў якасці суда першай інстанцыі 6 крымінальных спраў, якія маюць палітычную афарбоўку. 

Хто яны, рэчыцкія "экстрэмісты"?

Жорж Кунцэвіч 21.07.2022