>
Супрацоўнікі наркакантролю Светлагорскага РАУС сумесна з адміністрацыяй Светлагорскага дзяржаўнага індустрыяльнага каледжа правялі на мінулым тыдні “прафілактычную адпрацоўку” навучальнай установы.
Як пішуць “Светлагорскія навіны”, у пошуку забароненых рэчываў у навучэнцаў дапамагаў службова-вышуковы сабака аддзела Мазырскага памежнага атрада.
Праваахоўнікі разам з ім правялі дбайнае абследаванне пакояў у інтэрнаце, навучальных класаў і калідораў каледжа падчас заняткаў.
У выніку адпрацоўкі наркотыкаў і псіхатропаў выяўлена не было. Але навошта тады было ствараць цэлую групу з людзей, у якіх і сваёй працы хапае?
З мэтай прафілактыкі наркаманіі сярод моладзі падобныя праверкі будуць праходзіць рэгулярна.
