>
Палітзняволеную ўраджэнку Мазыра Таццяну Курыліну ўнеслі ў
“тэрарыстычны” спіс, які рыхтуе КДБ Беларусі. Яе падманным шляхам угаварылі вярнуцца
ў Беларусь па праграме «Дарога дадому», а затым асудзілі аж па дзесяці
крымінальных артыкулах.
Судовы працэс над Таццянай Курылінай пачаўся ў Гомельскім абласным судзе 28 снежня 2022 года. Справу разглядаў суддзя Мікалай Доля. А 30 сакавіка суд прызнаў Таццяну вінаватай і асудзіў на чатыры з паловай гады пазбаўлення волі ў калоніі ва ўмовах агульнага рэжыму. Апрача таго, жанчыне прыйдзецца сплаціць штраф у памеры 100 б.в. і вялікія кампенсацыі маральнай шкоды "моцна пакрыўджаным і пацярпелым асобам" на агульную суму 23 500 рублёў.
20 чэрвеня ў Вярхоўным судзе была разгледжана
апеляцыйная скарга палітзняволенай.
Напрыканцы чэрвеня 2023 года стала вядома, што Таццяна пачала адбываць пакаранне ў папраўчай калоніі №4.
Цяпер жа яна трапіла ў абноўлены спіс "Асоб, якія маюць дачыненне да
тэрарыстычнай дзейнасці".