Сакавіцкае здарэнне ў Рэчыцы, якое магло скончыцца трагедыяй

Жорж Кунцэвіч 14.06.2022

>>>

Шматдзетны бацька бензапілой выгнаў з дома асоб у цывільным, якія прыйшлі па яго жонку з-за антываенных выказванняў — супраць яго распачалі крымінальную справу. Здарэнне адбылося яшчэ ў сакавіку.

Як стала вядома "Нашай Ніве", гэта адбылося 2 сакавіка 2022 года. Жонка Міхаіла пабудзіла мужа, які спаў пасля працы, і сказала, што да іх прыйшлі, мабыць, міліцыянты. 
Жыхар Рэчыцы Міхаіл Карасёў падумаў, што ў дом уварваліся злодзеі, таму што ён да гэтага бачыў некалькі аб'яў аб тым, што ў горадзе арудуюць бандыты, якія прадстаўляюцца супрацоўнікамі міліцыі, а самі выманьваюць гаспадароў і рабуюць дамы.

Мужчына ўзяў бензапілу, каб прыстрашыць і выгнаць няпрошаных гасцей. Супрацоўнікі збеглі, а праз дзесяць хвілін пасля гэтага да іх прыехаў міліцэйскі нарад. Цяжарную жонку мужчыны паставілі на калені, ёй моцна выкруцілі рукі. У жанчыны засталіся сінякі.

Міхаілу заламалі рукі і павезлі ў аддзяленне міліцыі, дзе прад'явілі 364 артыкул Крымінальнага кодэкса (Гвалт або пагроза прымянення гвалту ў дачыненні да супрацоўніка органаў унутраных спраў). Максімальнае пакаранне па гэтым артыкуле прадугледжвае пазбаўленне волі на тэрмін да сямі гадоў. Таксама з Міхаіла патрабуюць матэрыяльную кампенсацыю маральнай шкоды.

На ягоную  жонку склалі два адміністрацыйныя артыкулы — 19.11 КаАП (Распаўсюд, выраб, захоўванне, перавозка інфармацыйнай прадукцыі, якая змяшчае заклікі да экстрэмісцкай дзейнасці або якая прапагандуе такую дзейнасць) і 24.3 (Непадпарадкаванне законнаму распараджэнню або патрабаванню службовай асобы пры выкананні ім службовых паўнамоцтваў). 

Сям’я Міхаіла шматдзетная, у пары чацвёра дзяцей. Арыштаваць жанчыну па законе не маглі, далі штраф — 600 рублёў.

29-гадовы мужчына працаваў на Рэчыцкім метызным заводзе машыністам крана і ад палітыкі быў далёкі. 

22 чэрвеня на світанні…

Жорж Кунцэвіч 09.06.2022