Светлагорск: жанчына пайшла ў міліцыю падаваць заяву аб крадзяжы, не стрымалася і абразіла прэзідэнта

Жорж Кунцэвіч 26.07.2022

>>>>>

Суд Светлагорскага раёна 25 ліпеня вынес прысуд жыхарцы вёскі Стракавічы Наталлі Леановіч, абвінаваціўшы яе ў абразе прэзідэнта (ч.1 арт. 368 Крымінальнага кодэкса).

Справу разглядала суддзя Галіна Гулевіч.

Судовае пасяджэнне праходзіла ў закрытым рэжыме ў памяшканні былога прафесійнага ліцэя хімікаў, дзе часова зараз размяшчаецца раённы суд.

Жанчына ў судзе абараняла сябе сама, без адваката.

Пра Леановіч вядома, што яна пайшла падаваць заяву ў міліцыю на крадзёж, які сапраўды меў месца, а нападпітку выказала ў аддзеле ўсё, што думае пра прэзідэнта. Супрацоўнікі міліцыі завялі на яе крымінальную справу.

Наталлю Леановіч затрымалі і з 20 чэрвеня яна знаходзілася ў СІЗА-3 Гомеля.

Згодна з абвінавачаннем, жыхарка Светлагорскага раёна Наталля Леановіч публічна зняважыла прэзідэнта.

Суд прысудзіў ёй пазбаўленне волі тэрмінам на адзін год і 6 месяцаў ва ўмовах агульнага рэжыму. 

Таксама суд пастанавіў накіраваць яе на прымусовае лячэнне ад алкагалізму.

Хто яны, рэчыцкія "экстрэмісты"?

Жорж Кунцэвіч 21.07.2022