>
Суд Рэчыцкага раёна 24 жніўня агучыў прысуд мясцоваму
жыхару Барысу Кайзеру, якога абвінавацілі ў абразе прэзідэнта па ч.1 арт 368
Крымінальнага кодэкса.
Справу разглядаў суддзя Станіслаў Іванюценка. Мневіта
гэты служка Феміды выносіў пастановы на ўдзельнікаў акцый пратэсту ў жніўні
2020 года ў Рэчыцы.
Судовы працэс праходзіў у закрытым рэжыме.
Падставай для крымінальнага пераследу з’явіўся відэаролік
у працоўным чаце Рэчыцкага метызнага завода. На відэа, зробленае падчас
сямейнага застолля Кайзер прадказаў паражэнне Расеі ў вайне і асудзіў дзеянні Лукашэнкі.
Пазней запіс убачылі супрацоўнікі праваахоўных органаў і справу перадалі
следчым.
Па інфармацыі «Флагштока», відэа апынулася ў
сеціве выпадкова – яго загрузіла дачка абвінавачанага Станіслава, калі
гулялася з татавым тэлефонам.
Суд прызнаў Барыса Кайзера вінаватым і пакараў яго пазбаўленнем
волі тэрмінам на адзін год і 3 месяцы ў калоніі агульнага рэжыму.
