Мазырскае “Жыццё Палесся” прапагандуе "Жоўтыя слівы"

Жорж Кунцэвіч 13.06.2022

>>>

Мазырскае інтэрнэт-выданне “Жыццё Палесся” падзялілася са сваімі чытачамі парадамі аб тым, як можна абыйсці блакіроўку адыёзнага тэлеграм-канала “Жоўтыя слівы”.

Гэтая крыніца, створаная супрацоўнікамі Губазіка, спецыялізуецца на публікацыі брудных гісторый пра ўдзельнікаў акцый пратэсту, стваральнікаў незалежнах тг-каналаў, грамадскіх актывістаў.

Нагадаем, 8 чэрвеня стала вядома, што Мінінфарм запатрабаваў ад Google тлумачэнняў па фактах блакіроўкі Telegram-каналаў "Жоўтыя слівы" і "Вашы слівы", назваўшы блакіроўку “абуральным актам беззаконнай цэнзуры з боку ўладальнікаў лічбавых платформ”.

“Не дайце амерыканскім фашыстам заткнуць рот праўдзе”, - цынічна заклікаюць гаспадары “Сліў”.

Невядома толькі, чаму менавіта “Жыццё Палесся”, адзіны з палескіх рэгіянальных сайтаў, вырашыў падтрымаць сумна вядомы тэлеграм-канал.