>>>>>>
У Гомельскі абласны суд перададзеная крымінальная справа ў дачыненні да двух жыхароў Мазыра: 34-гадовага грамадзяніна П. і 45-гадовага С.
Мазыран абвінавачваюць у актыўным удзеле ў групавых дзеяннях, якія груба
парушаюць грамадскі парадак;
падрыхтоўцы і незаконным вырабе, набыцці, захоўванні,
перавозцы гаручых рэчываў у складзе групы асоб па папярэдняй змове;
падрыхтоўцы да здзяйснення акта тэрарызму групай асоб
па папярэдняй змове;
падрыхтоўцы да наўмыснага прывядзення ў непрыдатнасць
транспартнага сродку і шляхоў зносінаў з мэтай акта тэрарызму.
Акрамя таго, П.таксама інкрымінаваныя садзейнічанне
экстрэмісцкай дзейнасці, узбуджэнне іншай сацыяльнай варожасці, апаганьванне
збудаванняў і псаванне маёмасці.
Згодна з матэрыяламі справы абвінавачаныя выходзілі на
палосы руху праезнай часткі дарогі з бел-чырвона-белым палатном і блакавалі рух
транспартных сродкаў на цэнтральных вуліцах Менска.
У перыяд са жніўня 2020 года па люты 2022 года
абвінавачаныя набылі кампаненты для вырабу "кактэйляў Молатава" і
піратэхнічны выраб, якія захоўвалі і перавозілі ў розных транспартных сродках і
месцах з мэтай іх наступнага выкарыстання пры здзяйсненні акту тэрарызму,
нападзе на будынкі, установы, транспартныя сродкі, а таксама супрацоўнікаў
праваахоўных органаў.
Акрамя гэтага, П. вырабіў «кактэйлі Молатава» і сумесна
з С. здзейсніў прыгатаванне да наўмыснага прывядзення ў непрыдатнасць
транспартных сродкаў і шляхоў зносін, якое магло пацягнуць смерць чалавека,
крушэнне або аварыю.
У працяг сваіх супрацьпраўных дзеянняў П.,
выкарыстоўваючы Тelegram-канал, прызнаны экстрэмісцкім фарміраваннем, размясціў
у ім відэафайл з вуснымі каментарамі пра дату і час перамяшчэння ваеннай
тэхнікі, ваенізаваных падраздзяленняў і вайскоўцаў з мэтай ажыццяўлення
экстрэмісцкай дзейнасці. Пасля чаго пад'ехаў да аднаго з прадпрыемстваў
Мазырскага раёна і дарожнага знака, дзе нанёс фарбай на плот і знак цынічныя
малюнкі і надпісы, у якіх даў негатыўную ацэнку жыхарам замежнай дзяржавы.
Пасля вывучэння матэрыялаў крымінальнай справы ў пракуратуры Гомельскай вобласці прыйшлі да высновы аб абгрунтаванасці абвінавачвання, наяўнасці дастатковых, якія адносяцца і дапушчальных доказаў, поўным і аб'ектыўным даследаванні абставінаў злачынстваў. Пагадзіліся з кваліфікацыяй дзеянняў П.па ч. 1 арт. 342, ч. 1 арт. 361-4, арт. 341, ч. 1 арт. 130, ч. 1 арт. 13 і ч. 2 арт. 295-3, ч. 1 арт. 13 і ч. 2 арт. 289, ч. 1 арт. 13 і ч. 4 арт. 309 Крымінальнага кодэкса Рэспублікі Беларусь і С. па ч. 1 арт. 342, ч. 1 арт. 13 і ч. 2 арт. 295-3, ч. 1 арт. 13 і ч. 2 арт. 289, ч. 1 арт. 13 і ч. 4 арт. 309 Крымінальнага кодэкса Рэспублікі Беларусь, паведамляе Генеральная пракуратура.
Дата суда, меркавана, будзе прызначана цягам месяца.
