Жыхарка Светлагорскага раёна напісала заяву аб крадзяжы, а супраць яе распачалі справу аб абразе Лукашэнкі

Жорж Кунцэвіч 27.06.2022

>>

45-гадовая жыхарка вёскі Стракавічы Светлагорскага раёна падала заяву аб крадзяжы грошай; за выказванні ў РАУС супраць яе распачалі крымінальную справу аб абразе Лукашэнкі (артыкул 368 КК). Пра гэта паведамляе блізкі да сілавікоў тэлеграм-канал.

Жыхарка Стракавічаў заявіла, што грошы скрала яе знаёмая, з якой яны разам распівалі спіртное, піша канал.

«У аддзеле жыхарка вёскі праявіла сябе ва ўсёй красе: палівала брудам супрацоўнікаў, патрабавала папаліць, брыдкасловіла і ў выніку ў прысутнасці супрацоўнікаў некалькі разоў абразіла прэзідэнта», – пішуць у праўладным канале.

У відэа з камер назірання ў РАУС жанчына кажа: «Давайце, напішыце пратакол, што я на Лукашэнку сказала», – пасля гэтага яе словы запіканыя. У роліку жыхарка Страковічаў прамаўляе прозвішча Лукашэнкі некалькі разоў. Паводле інфармацыі канала, жанчына знаходзіцца ў ІЧУ, паведамляе "Гомельская вясна".

Хто яны, рэчыцкія "экстрэмісты"?

Жорж Кунцэвіч 21.07.2022