Ютуб і тэлеграм-канал жыхара Хойнікаў прызнаныя "экстрэмісцкімі"

Жорж Кунцэвіч 15.01.2023

>>

Жыхар Хойнікаў Алег Казлоў у сваіх каналах дзяліўся з нешматлікімі падпісчыкамі думкамі на грамадска-палітычныя тэмы. Таксама ён на сваім акаунце ў ютубе з пачаткам расейскай агрэсіі размясціў некалькі відэа з перасоўваннем расейскай тэхнікі на Гомельшчыне.

Алег Казлоў, які працаваў майстрам-электрамантажнікам на розных прадпрыемствах у Хойніках, вядомы тым, што ў 2019 годзе рэгістраваўся кандыдатам у дэпутаты Палаты прадстаўнікоў.

Абнаўляць свае сеткі Алег Казлоў перастаў у верасні 2022 года.

Дзе ён знаходзіцца сёння, праваабаронцам невядома. Не выключана, што 56-гадовы мужчына быў затрыманы і знаходзіцца зараз пад следствам.