>
Рэчыцкі “Дняпровец” 3 студзеня паведамляе, што
пікетаванне па зборы подпісаў за вылучэнне кандыдатаў у дэпутаты ў Палату
прадстаўнікоў Нацыянальнага сходу працягваецца ў Рэчыцкім раёне.
“Ініцыятыўная група аднаго з кандыдатаў размяшчалася каля
гандлёвага цэнтра, у месцы, дзе заўсёды шмат рэчычан і прапаноўвала пакінуць
свае подпісы за вылучэнне кандыдата ў дэпутаты”, - піша раёнка.
Аднак на апублікаваным фотаздымку бачна, што збор
подпісаў адбываецца не каля гандлёвага цэнтра, а пад навесам, каля ўваходу, што
парушае рашэнне райвыканкама “Аб вызначэнні ў Рэчыцкім раёне месцаў,
забароненых для правядзення пікетавання з мэтай збору подпісаў
выбаршчыкаў".
Адзінае фота на сайце змясцілі нават двойчы.
Таксама не паведамляецца, за вылучэнне якога кандыдата
ставяць свае галасы рэчычане, паведамляюць
Падобныя пастановачныя фота пачалі з’яўляцца і ў іншых раённых СМІ. Там таксама не паведамляюць прозвішчаў прэтэндэнтаў, за якіх збіраюць подпісы. Аднак амаль на ўсіх здымках відаць, ад якой партыі ці арганізацыі вылучаецца кандыдат. У большасці выпадкаў — гэта “Белая Русь”.
На фота: пікет у Рэчыцы 3 студзеня 2024 года.