Telegram-канал з назвай "Палеская вясна" унесены ў Спіс экстрэмісцкіх матэрыялаў

Жорж Кунцэвіч 15.04.2023

>>

У Рэспубліканскім спісе экстрэмісцкіх матэрыялаў чарговае абнаўленне. Туды патрапіў і Telegram-канал з назвай "Палеская вясна”.

Рашэнне аб уключэнні яго ў Спіс было прынята Ленінскім судом Брэста 11 красавіка 2023 года. Згодна з раскладам суда за той дзень, рашэнне аб прызнанні канала “экстрэмісцкім" прымаў суддзя Андрэй Канючка.

Раней, паводле рашэння суда Чыгуначнага раёна Гомеля ад 27 студзеня 2022 года ў спіс экстрэмісцкіх матэрыялаў былі ўнесеныя сайт "Палеская Вясна”, інтэрнет-старонка у сацыяльнай сетцы “Вконтакте” пад такой жа назвай і канал відэахостынга "Youtube" з назвай "Палеская Вясна".

Нагадваем, каб не патрапіць пад дзеянне артыкула 19.11 КаАП (распаўсюд і перасылка экстрэмісцкіх матэрыялаў) пазбягайце ставіць спасылкі ў сваіх сацыяльных сетках на матэрыялы “Палескай вясны”.