У жніўні – дзень нараджэння ў палітзняволенага Мікіты Сілівона з Мазыра

Цімур Казачэнка 01.08.2022

>

22 жніўня Мікіце Сілівону споўніцца 19 год. Паколькі ў месцах зняволення паштовую карэспандэнцыю правяраюць і часта перадаюць адрасату з затрымкай, адсылаць віншаванне лепш загадзя.

Жыхар Мазыра Мікіта Аляксеевіч Сілівон адбывае пакаранне тэрмінам у 1,5 гады пазбаўлення волі ў калоніі агульнага рэжыму. Ён быў асуджаны ў закрытым судовым пасяджэнні і ўзяты пад варту 14 студзеня. Прысуд вынесены судом Мазырскага раёна па двух артыкулах Крымінальнага кодэкса: 342 – “Арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх”, і 364 – “Гвалт альбо пагроза ўжывання гвалту ў дачыненні да супрацоўніка органаў унутраных спраў”.

Прычынай стала пратэстная акцыя, якая адбылася ў Мазыры ў жніўні 2020 г. пасля прэзідэнцкіх выбараў. 4 сакавіка 2022 г. праваабаронцы прызналі М. Сілівона палітычным зняволеным, паколькі акцыя праходзіла ў выглядзе мірнага сходу і нікому не пагражала, а міліцыяй былі ўжыты жорскія дзеянні па яе спыненні.

Павіншаваць М. А. Сілівона можна, даслаўшы паштоўку, пісьмо альбо тэлеграму на адрас:

СІЗА № 3, г. Гомель, вул. Кніжная, 1А, г. Гомель, 246003.

На фота: Мікіта Сілівон.

Хто яны, рэчыцкія "экстрэмісты"?

Жорж Кунцэвіч 21.07.2022