>
Суд Нараўлянскага раёна на падставе звароту мясцовага
пракурора пазбавіў нядаўна права
двух непаўнагадовых навучэнцаў
дзяржаўнага каледжа самастойна распараджацца стыпендыяй і іншымі выплатамі ў сувязі з наяўнасцю ў іх статусу дзяцей, якія засталіся
без апекі бацькоў.
Падставай для звароту ў суд паслужыў той факт, што
атрыманыя навучэнцамі грошы тыя выдаткоўвалі нерацыянальна: апроч ежы, яны набывалі тытунёвыя вырабы і спіртныя
напоі. Пры гэтым маладыя людзі знаходзіліся на поўным дзяржаўным забеспячэнні і
атрымлівалі трохразовае харчаванне ў сталовай каледжа падчас навучальнага
перыяду. У выхадныя і святочныя дні, канікулярны перыяд харчаванне не было
прадугледжана, паведамляе прэс-служба
пракуратуры.
У выніку суд задаволіў
заяву пракурора, а абавязкі па расходаванні грошай на ўтрыманне непаўналетніх
былі ўскладзеныя на дырэктара каледжа. Цяпер ён будзе вырашаць, што можна
набываць ім для побыту, а што не можна.
