>
На сайце Міністэрства ўнутраных спраў РБ 27 студзеня з’явіўся
абноўлены спіс “Асоб, датычных да экстрэмісцкай дзейнасці”. Туды дадалі яшчэ 20
чалавек, сярод якіх двое нашых землякоў – мазырчук Васіль Кавалёў і жыхар
Рэчыцы Данііл Чэўнакоў.
Данііл Чэўнакоў быў затрыманы 17 лістапада 2021 года ў межах крымінальнай справы аб групавых
дзеяннях, якія груба парушаюць грамадскі парадак (арт. 342 Крымінальнага
кодэксу).
У Мінскім гарадскім судзе 13 кастрычніка 2022 г. быў
вынесены прысуд. Суддзя Наталля Бугук прызнала хлопца вінаватым
па трох артыкулах Крымінальнага кодэкса: ч. 3 арт. 361 (заклікі да
мер абмежавальнага характару (санкцый), іншых дзеянняў, накіраваных на
прычыненне шкоды нацыянальнай бяспецы Рэспублікі Беларусь); ч. 1 арт. 342 (удзел
у дзеяннях, якія груба парушаюць грамадскі парадак); ч. 1 арт. 361-1 (стварэнне
экстрэмісцкага фарміравання або ўдзел у ім) і прызначыла яму пяць гадоў
зняволення ва ўмовах узмоцненага рэжыму.
На пачатку лістапада Данііла перавялі ў магілёўскую СТ
№ 4.
Пра 36-гадовага Васіля Кавалёва інфармацыі пакуль мала. Вядома, што ў другой палове 2022 года суд Мазырскага раёна Гомельскай вобласці асудзіў яго паводле артыкула 369-1 (дыскрэдытацыя Рэспублікі Беларусь) і артыкула 369 Крымінальнага кодэкса Рэспублікі Беларусь (абраза прадстаўніка ўлады).
Прысуд - невядомы.
Па стане на канец студзеня ў “экстрэмісцкім” спісе надічваецца ўжо 2370 чалавек.
На фота: Данііл Чэўнакоў.
