Яўген Туравец з Мазыра прызнаны палітычным зняволеным

Цімур Казачэнка 22.07.2022

>

20 ліпеня праваабаронцы Беларусі прынялі сумесную заяву аб прызнанні палітзняволенымі яшчэ 8 чалавек. Сярод іх – Яўген Туравец з Мазыра.

Яўген Туравец асуджаны па артыкуле 364 Крымінальнага кодэкса – “Гвалт альбо пагроза ўжывання гвалту ў дачыненні да супрацоўніка органаў унутраных спраў”. Быў прыгавораны да 2,5 год абмежавання волі з накіраваннем у папраўчую ўстанову адкрытага тыпу (ПУАТ) за пагрозу прадстаўніку ўлады праз сацыяльныя сеткі.

Паводле артыкулу 364 КК ў Беларусі зараз асуджана альбо абвінавачана 138 чалавек, якія прызнаны палітзняволенымі, у тым ліку 6 жанчын і 1 непаўнагадовы. 20 з іх прыгавораны да абмежавання волі ў ПУАТ. Астатнія прыгавораны да больш жорсткага пакарання –  пазбаўлення волі. Усе жанчыны прыгавораны да пазбаўлення волі.

Паштоўкі і лісты Я. А. Тураўцу можна дасылаць на адрас: ПУАТ № 7, в. Купліна, Пружанскі р-н, Брэсцкая вобласць.

Агульная колькасць палітзняволеных у Беларусі зараз – 1259, з іх 179 утрымліваюцца ў месцах зняволення ў Гомельскай вобласці, у тым ліку ў Мазырскім раёне – 25.

На фота: ПУАТ-7 у в. Купліна.


Хто яны, рэчыцкія "экстрэмісты"?

Жорж Кунцэвіч 21.07.2022