>
З 30 кастрычніка 2023
года ўведзена забарона на выкарыстанне маламерных суднаў на беларускай частцы
ракі Славечна на поўдні Гомельшчыны.
Выключэнне зроблена для
вяслярных (вёсельных) лодак, а таксама для лодак ратавальнікаў, “якія
ажыццяўляюць ахову жыцця людзей на водах, якія выкарыстоўваюцца для правядзення
аварыйна-выратавальных, выратавальных і пошукавых работ”.
Такім чынам, на Славечне
ў Нараўлянскім раёне маторныя лодкі апынуліся пад забаронай.
Пасля пачатку расійскага
ўварвання ва Украіну ў 2022 годзе райвыканкама Гомельскай вобласці абмежавалі
выхад на маламерных судах на рэкі Сож і Днепр у месцах праходжання дзяржаўнай мяжы.
У Ельскім і Нараўлянскім
раёнах па рэчышчы ракі Славечна на працягу 109 км праходзіць мяжа паміж
Беларуссю і Украінай.
Кіраўніцтва Ельскага
раёна, які таксама мае дзяржмяжу з Украінай па рацэ Славечна, такое рашэнне
пакуль не апублікавала.
