Паэта Анатоля Сыса прапагандуюць у Польшы
Жорж Кунцэвіч
27.09.2023
>>
У многіх месцах на Падляшшы, у тым ліку і Беластоку,
з’явіліся мастацкія аб’екты – графіці з вершамі-цытатамі беларускага паэта з
Горошкава Анатоля Сыса.
З праектам „Пан Лес”, названым у гонар самага вядомага
зборніка вершаў паэта, знаёміць падляшскі фатограф, мастак і культурніцкі дзеяч
Юры Асеннік:
– Трафарэты з’явіліся ў
Беластоку, Бельску, Гайнаўцы і Белавежы. Праект, працоўная назва якога „Пан
Лес”, мне здаецца так і будзе называцца. Ён прысвечаны Сысу, у ім
выкарыстоўваюцца тэксты, вершы Анатоля Сыса. Таксама гэта музычны праект. У яго
заангажаваны Сяргей Краўчанка, бубнач гурта „PortMone”. Хочам паказаць, як
беларуская культура, слова, вершы могуць запрацаваць у сучаснай гарадской
культуры. Я лічу, што Сыс гэта наш беларускі, пасля Караткевіча, першы такі
вялікі, праз вялікую літару Паэт, - піша Беларускае радыё Рацыя.
Па выніку рэалізацыі праекта „Пан Лес”, які прысвечаны памяці і спадчыне неашага земляка Анатоля
Сыса, чакаецца выданне музычнай кружэлкі і фотаздымкамі графіці з выявамі паэта
на Падляшшы.
