>
20
снежня ў Гомельскім абласным судзе разглядаецца справа, у якой абвінавачаным
з’яўляецца жыхар Хойніцкага раёна Аляксандр Лютаў. Яго абвінавацілі у
«садзейнічанні экстрэмісцкай дзейнасці».
Пасяджэнне па справе прызначана на 15 гадзін.
Вядзе справу суддзя Мікалай Доля.
Аляксандр
Лютаў, а таксама яшчэ двое
грамадзян былі затрыманыя ў Хойніках напрыканцы ліпеня. Супраць Аляксандра
ўзбудзілі справу паводле артыкула 361-4 Крымінальнага кодэкса – «Садзейнічанне
экстрэмісцкай дзейнасці».
Жыхар Хойнікаў абвінавачаны паводле часткі 2
гэтага артыкула – «дзеянні, здзейсненыя паўторна, альбо групай асобаў па
папярэдняй змове». Яму пагражае ад 2 да 5 год абмежавання волі альбо ад 3 да 7
год пазбаўлення волі.
Беларускія ўлады ўключаюць у спіс
«экстрэмісцкіх матэрыялаў» практычна любыя некантралюемыя імі рэсурсы ў
інтэрнеце на палітычную тэму. Людзей, якія што-небудзь дасылаюць у
«экстрэмісцкія» месенджары ці сайты, судзяць за «садзейнічанне».
На цяперашні час у Беларусі ў месцах
зняволення знаходзяцца 36 чалавек, якія асуджаны паводле артыкула 361-4 і
прызнаныя праваабаронцамі ў якасці палітычных зняволеных, у тым ліку 8 жанчын.
Агульная колькасць палітзняволеных у краіне зараз – 1437.
На фота: Аляксандр Лютаў.
