>>
Штогод многія раёны Гомельшчыны сутыкаюцца з падтапленнем
асобных тэрыторый. Церпяць сядзібы, дачныя пабудовы, размываюцца аўтамабільныя
дарогі. Гэты год – не выключэнне.
І нягледзячы нават на маразы, на Палессі па стане на 12 студзеня застаюцца падтопленыя талымі і паводкавымі водамі больш за паўсотні жылых дамоў, яшчэ болей падворкаў, падвалы і асобныя ўчасткі дарог.
У першыя дні новага года ратавальнікі вызвалілі з воднага
палону сем падворкаў і пяць дачных дамоў у Светлагорскім раёне, зладжана
спрацавалі і ў Петрыкаўскім, ліквідавалі падтапленне дзевяці падворкаў, двух
жылых дамоў, двух падвалаў жылых дамоў у іншых раёнах.
Абласная газета таксама паведамляе аб тым, што некалькі дзён таму падчас маніторынгу выявілі факт новага падтаплення ўчастка дарогі ў Брагінскім раёне.
Таксама Белгідрамет даў штармавое папярэджанне для Петрыкаўскага раёна.
Па прагнозах сіноптыкаў, у ваколіцах вёскі Першая Слабодка вада ў Пцічы хутка перавысіць небяспечна высокую адзнаку і затопіць прыбрэжныя тэрыторыі.
У Беларусі была прынятая рэспубліканская праграма “Інжынерныя
водагаспадарчыя мерапрыемстве па абароне неселеных пунктаў і сельскагаспадарчых
зямель ад павадкаў у найбольш павадканебяспечных раёнах Палесся”, аднак на яе
поўную рэалізацыю сродкаў не хапіла. Прымаліся таксама рашэнні на абласным і
раённых узроўнях. І ўсё гэта засталося на паперы: грошай у бюджэце няма.
У той жа час рэалізуюцца абсурдныя праекту, кшталту
ўзвядзення ў Гомелі гіганцкага флагштока, альбо “царскай” прыбіральні ў гарадскім
парку за мільён даляраў, якая, дарэчы, не працуе.
