>
Палітзняволеную, маці дваіх непаўналетніх дзяцей, Паліну
Шарэнду-Панасюк пасля прысуду Рэчыцкага суда перавялі ў СІЗА-3 па вуліцы
Кніжнай у Гомелі. Там жанчына будзе чакаць вынікаў абскарджання прысуду. Аднак перадачу
для яе не прынялі.
“Сёння
для Паліны ізноў не прынялі перадачу ў СІЗА-3. Проста паведамілі, што ўсе 30
кілаграмаў дазволеных ёй для перадачаў на гэты месяц выкарыстаны. Гэта
здарылася на другі дзень знаходжання Паліны там. Ці правярнула адміністрацыя
СІЗА ізноў фокус з мехам гнілых яблык, ці проста зрабіла метку ў кампʼютары, нам пакуль не вядома. Паліна ізноў засталася без свежай зеляніны і гародніны на бліжэйшы месяц.
Пасылкі і бандэролькі да Паліны, на шчасце, яшчэ
даходзяць. Таму прашу парадаваць Паліну шакаладкай, ці нейкім прысмакам у
невялікай бандэрольцы. На жаль, адміністрацыя СІЗА любіць патрымаць пасылкі і
бандэролі на складзе тыдзень – два, перад тым як перадаць Паліне. Таму прашу
ўлічваць гэты момант”, - напісаў Андрэй
Шарэнда.
Падтрымайце Паліну: СІЗА-3.
246003, г. Гомель, вул. Кніжная, 1А, Шарэнда-Панасюк Паліне Сяргееўне.
