>
У судзе Рэчыцкага раёна 9 кастрычніка пасля перапынку аднавіўся суд
над палітзняволенай актывісткай Палінай Шарэнда-Панасюк, асуджанай да трох гадоў калоніі. Справу разглядае суддзя
Станіслаў Іванюценка.
Жанчыну ўжо ў трэці раз абвінавачваюць у "злосным
непадпарадкаванні адміністрацыі калоніі" (ч. 2 арт. 411 Крымінальнага
кодэкса).
Берасцейскую
актывістку Шарэнду-Панасюк затрымалі 3 студзеня 2021 і абвінавацілі па
некалькіх артыкулах Крымінальнага кодэкса: арт. 364 (гвалт у адносінах да
супрацоўнікаў міліцыі), арт. 368 (абраза Лукашэнкі) і арт. 369 (абраза
прадстаўніка ўлады). У чэрвені 2021 года суд Маскоўскага раёна
Брэста прызначыў жанчыне
два гады пазбаўлення волі ў калоніі ва ўмовах агульнага рэжыму.
У
канцы лютага 2022 года на палітзняволеную завялі крымінальную справу па ч. 2
арт. 411 КК, а пазней асудзілі да
яшчэ аднаго года калоніі.
7
красавіка мінулага года на выязным пасяджэнні ў гомельскай калоніі актывістку
асудзілі яшчэ да аднаго года калоніі.
Па
прыбыцці ў калонію яе змясцілі ў ШІЗА, дзе яна правяла 80 сутак амаль
бесперапынна. Пасля гэтага яе адправілі ў ПКТ на паўгода і ўзбудзілі новую
крымінальную справу паводле арт. 411 КК.
У
выніку Паліну адправілі назад у калонію № 24 у Зарэччы.
Аднак
на судзе 2 кастрычніка, Паліна заявіла пра збіццё ў зарэчанскай калоніі: у яе
моцна пашкоджаны твар і ўнутраныя органы. Па ініцыятыве пракурора ў працэсе
зрабілі перапынак да 9 кастрычніка.
Сёння пракурор запрасіў для палітзнволенай год калоніі за “непадпарадкаванне адміністрацыі папраўчай установы”. Столькі суддзя і прызначыў, дадаўшы ад сябе да аднаго года яшчэ і тры дні.
Падтрымайце палітзняволеную грашовымі пераводамі, пасылкамі і тэлеграмамі:
ІЧУ АУС Рэчыцкага райвыканкама. 247483, Гомельская вобл., г. Рэчыца, вул. Савецкая, 35
Паліна Сяргееўна Шарэнда-Панасюк.
