>
У Ельску 17 лютага былі заўважаны нетутэйшыя
людзі з рэпрэсіўных органаў. Магчыма, гэта тыя самыя, што ў папярэднія дні
праводзілі аблавы ў Светлагорску.
Яны
перасоўваліся па горадзе на характэрных мікрааўтобусах, засяліліся ў гатэль і харчаваліся
ў рэстаране. Для мясцовых жыхароў гэта выглядае шыкоўным узроўнем. Не
выключана, што ў бліжэйшыя дні ў Ельскім і суседніх раёнах могуць адбыцца
вобыскі і затрыманні грамадзян, якія выказвалі нязгоду з правячым у Беларусі
рэжымам.
У
Светлагорску 14 – 15 лютага было затрымана каля 17 чалавек і заведзены справы
па артыкуле 19.11 Кодэкса аб адміністрацыйных правапарушэннях (распаўсюджанне
інфармацыйнай прадукцыі, якая ўтрымлівае заклікі да экстрэмісцкай дзейнасці –
гэта падпіскі на інтэрнет-каналы, якія улады аб’явілі «экстрэмісцкімі» і т.
п.). На грамадзян мясцовым судом былі накладзены арышты і штрафы.
На здымку: Ельскі РАУС.
