>>
Суд Жыткавіцкага
раёну 8 лістапада прызнаў экстрэмісцкімі матэрыяламі зборнікі твораў Вінцэнта
Дуніна-Марцінкевіча, паведамляюць праваабаронцы.
Пад забарону
патрапіў збор твораў у двух тамах класіка беларускай літаратуры, заснавальніка нацыянальнай
драматургіі, які быў выдадзены у дзяржаўным выдавецтве “Мастацкая літаратура” ў
2007-2008 гадах. Мяркуючы па спісе “экстрэмісцкіх матэрыялаў”, гэта першы раз,
калі туды ўключылі кнігу дзяржаўнага выдавецтва.
У жніўні "экстрэмісцкімі" прызналі таксама прадмову Язэпа Янушкевіча да выдання творчаў Вінцэнта
Дуніна-Марцінкевіча і вершы Дуніна-Марцінкевіча “Плывуць вятры” і “Гутарка
старога дзеда” ад 1861 года.
Відавочна, што суддзя, які прыняў такое ганебнае рашэнне, вывучаў творы класіка беларускай літаратуры яшчэ ў школе. Не выключана, што датычным да гэтай справы з’яўляецца старшыня раённага суда, ураджэнец Мазыра Андрэй Багданік. Прынамсі, гэта з ягонай згоды такую пастанову прынялі ў Жыткавічах.
На фота: суддзя Андрэй Багданік.
