>>>
Хаім Вэйцман, Голда Мэір, Шымон Перэс… Усе гэтыя славутыя яўрэйскія кіраўнікі маюць адно агульнае: іх жыццё было
звязанае з Беларуссю. Напад баевікоў на ХАМАС выявіў яшчэ аднаго ўраджэнца
Беларусі, які нарадзіўся ў Мазыры. Гэта брыгадны генерал Раман Гофман.
Камандзір вайсковай базы “Цээлім" брыгадны генерал арміі абароны Ізраіля Раман Гофман атрымаў цяжкае раненне падчас сутыкнення з баевікамі ХАМАС 8 кастрычніка. Пра гэта паведаміла “Зеркало” са спасылкай на ізраільскі тэлеканал 9tv.
Раненне афіцэр атрымаў
падчас бою ў Сдэроце. Стан здароўя рамана Гофмана пасля
некалькіх аперацый ацэньваецца як цяжкі, але стабільны.
Гофман нарадзіўся ў
беларускім Мазыры. У Ізраіль ён пераехаў з бацькамі ў 1990 годзе. Адслужыўшы
тэрміновую службу ў бранятанкавых войсках і скончыўшы афіцэрскія курсы, Раман
Гофман вырашыў працягваць вайсковую кар'еру. Удзельнічаў у некалькіх
антытэрарыстычных аперацыях. Ён стаў першым прадстаўніком масавай рэпатрыяцыі
яўрэяў з былога СССР, якія дасягнулі звання брыгаднага генерала і атрымалі
дывізію пад сваё камандаванне. Гофман стаў камандзірам дывізіі "Ха-Башан" у Паўночнай акрузе, якая забяспечвае бяспеку Галанскіх вышынь і прылеглых да іх тэрыторый.
27 кастрычніка 2022 года
Гофман уступіў на пасаду камандзіра Нацыянальнага цэнтра вучэнняў сухапутных
войскаў.
Нагадаем, 7 кастрычніка
баевікі ХАМАС пачалі аперацыю «Бура Аль-Аксы» — выпусцілі па Ізраілю некалькі
тысяч ракет і прарваліся на тэрыторыю краіны. ХАМАС абвінавачвае ізраільскі бок
у акупацыі і "апаганенні святога месца мусульман", а таксама ў
неаднаразовых уварваннях у мячэць Аль-Акса на Храмавай гары ў Ерусаліме.
