>
Не так даўно гарадскія ўлады Мазыра абвясцілі аб закрыцці
аварыйнага моста праз раку Прыпяць у цэнтры горада для правядзення капітальнага
рамонту. Работы запланаваны на жнівень і прадоўжацца некалькі гадоў. У выніку
жыхары Мазыра вымушаныя будуць аб'язджаць цэнтр горада.
Гэты так званы "Стары мост" быў пабудаваны ў 1958 годзе. Рашэнне аб яго рэканструкцыі
прыняло Міністэрства транспарту яшчэ ў 2019 годзе. Першапачаткова такі буйны
рамонт улады планавалі пачаць у 2026 годзе, але з-за цяперашняга аварыйнага
стану моста працэс прыйшлося значна паскорыць.
Ягоны
апошні касметычны рамонт праводзіўся ў 2010-2011 гадах. А менш за год таму, у
выніку комплекснай дыягностыкі ўсяго збудавання, былі выяўленыя дэфекты бэлек
пралётных канстукцый, якія рэзка зніжаюць яго запланаваную
грузападымальнасць. Улады былі вымушаныя ўвесці абмежаванні на рух па мосце
цяжкай тэхнікі…
Цяпер на рамонт неабходная сума, якая перавышае 50 млн.
даляраў. І дарэчы - гэты мост з'яўляецца другім у Беларусі па сваёй даўжыні, і
канструктыўна адным з самых складаных, адзначаюць спецыялісты. Яго даўжыня
складае каля кіламетра, а ўсяго трэба будзе рэканструяваць больш за 13 км
чыгуначнага шляху.
Па плане будаўнікоў, рамонт моста зойме тры з паловай
гады. На працягу гэтага часу ён будзе зачынены. Каб трапіць на левы бераг ракі,
дзе размешчаны чыгуначная станцыя Пхоў і Калінкавічы, аўтамабілістам прыйдзецца
аб'язджаць горад праз новы мост, размешчаны значна далей, на поўдзень ад аварыйнага.
Таксама будзе зачынена плошча Прымаставая.
У выніку аварыйнай сітуацыі праектныя работы праводзіліся
ў досыць хуткім парадку, скарочаным разы ў тры.
Праекціроўшчыкі абяцаюць, што пасля заканчэння ўсіх работ
мост стане упрыгожваннем і славутасцю горада, паколькі гэтым праектам прадугледжаны таксама
прыгожая лесвіца да пляжу, арачны пралёт з дэкаратыўным крылом, арыгінальная
падсвятленне, назіральныя пляцоўкі, сучасныя ачышчальныя збудаванні, і т. п. Будзе таксама ўпрыгожана і Прымаставая
плошча.
Плануецца, што пасля такой маштабнай рэканструкцыі тэрмін
службы “новага"
моста складзе больш за сто гадоў.
