>
Адразу некалькі рэчычан пазбавіліся сваіх
зберажэнняў на банкаўскіх картках. Жыхары райцэнтра паспрабавалі праз свой банк
аплаціць камунальныя слугі, але ў выніку замест банкаў трапілі на фішынгавыя
сайты.
Так, адзін немалады рэчычанін ўвёў у пошукавіку назву
свайго банка, затым усе адпаведныя рэквізіты, і код бяспекі,
Але ў выніку з яго карткі знікла больш за 4000 рублёў. Як
аказалася, мужчына трапіў на фішынгавую спасылку.
На мінулым тыдні ў раёне было зарэгістравана каля
дзясятка падобных выпадкаў. А за апошнія паўгода мясцовыя праваахоўныя органы
зарэгістравалі 58 злачынстваў, якія маюць прамое дачыненне да кіберзлачыннасці.
Пяць з іх аднесеныя да "цяжкіх", бо шкода ад іх
склала 9250 рублёў, ці ж больш за 250 базавых адзінак.
Таксама было зарэгістраваныя сем крымінальных спраў аб
узломах у сацсетках асабістых старонак грамадзян, і чатыры крымінальныя справы
ў дачыненні да тых, хто афармляў на сваё імя нумары тэлефонаў і банкаўскія
карты мясцовых жыхароў для перадачы іх за мяжу, і наступнага махлярства ў
дачыненні да гэтых грамадзян.
Самым жа распаўсюджаным злачынствам сталі крадзяжы з
банкаўскіх карт грамадзян: зарэгістраваны 41 такі выпадак.
У далейшым, каб не стаць ахвярай махляроў, ня варта
аплачваць паслугі праз сайт, а выкарыстоўваць для гэтага мабільнае прыкладанне
банка.
Калі ж прыкладанне часова недаступна, трэба праверыць,
што паказана ў пошукавым радку - там абавязкова павінна быць указана даменная
зона BY, і адсутнічаць лішнія сімвалы.
