Як стала вядома праваабаронцам ПЦ «Вясна», з цэнтру ізаляцыі правапарушальнікаў на завулку Акрэсціна, вызвалілі фермера з вёскі Прудок Мазырскага раёна Аляксандра Вянгуру і аўтара YouTube-каналу «Мозырь для жизни» Аляксандра Цуканава.
Аляксандр ВЯНГУРА
Раніцай пра вызваленне Аляксандра Вянгуры ягоная жонка Ірына паведаміла кіраўніку мазырскай філіі ПЦ «Вясна» Уладзіміру Целепуну. Ён звязаўся з праваабаронцамі з Мінску, якія павінны былі дапамагчы Аляксандру дабрацца да Мазыра.
Аляксандр ЦУКАНАЎ
Спачатку кантакт з Вянгурам падтрымліваў юрыст ПЦ «Вясна» Алег Пашкевіч.
Але потым сувязь з Вянгурам знікла. Пазней ён зноў стэлефанаваўся з юрыстам ПЦ «Вясна»
і паведаміў, што на волі разам з Аляксандрам Цуканавым. Сябар брата Цуканава
забраў іх на аўтамабіле.
Пра лёс яшчэ аднаго мазырчука – Дзяніса Коласа, затрыманага пасля
ператрусаў на сядзібе фермера Вянгуры і ў кватэры ягонай маці, пакуль нічога не
вядома.