На працягу 2018 году маль 1,6 тысячы гектараў палеткаў, дзе раней нельга было займацца сельскай гаспадаркай, зноў увялі для пасеваў у Буда-Кашалёўскім, Кармянскім і Рэчыцкім раёнах.
Як паведаміла БелТА, пра ўвод раней выведзеных з сельгаскарыстання ў выніку забруджвання радыёнуклідамі земляў 22 красавіка распавёў дзяржаўным журналістам начальнік упраўлення жыллёва-камунальнай гаспадаркі і па праблемах ліквідацыі наступстваў катастрофы на ЧАЭС Гомельскага аблвыканкама Дзмітрый Руткоўскі.
Дзмітрый Руткоўскі. Фота: gp.by
Пасля адкрыцця праўды пра небясеку чарнобыльскай аварыі з сельгасабароту было выведзена больш як 216 тысяч гектараў. Але з 1993 і да 2018 года араць і сеяць дазволілі на 16,1 тысячы гектараў.
«Любая прадукцыя, якая вырошчваецца ў прамысловых аб'ёмах, на сельгаспрадпрыемствах, адпавядае ўсім нарматывам. Пры гэтым сістэма бяспекі, кантроль прадукцыі жывёлагадоўлі і раслінаводства ў нашай краіне самыя жорсткія ў свеце»,
– запэўніў дзяржаўны чыноўнік.
Акрамя таго, у мінулым годзе аўтапаркі арганізацый рэгіёну, якія пацярпелі ад катастрофы на Чарнобыльскай АЭС, папоўнілі 220 адзінак сельскагаспадарчай тэхнікі. План на гэты год - каля 600 агрэгатаў. За апошнія восем гадоў ўведзена і рэканструявана 46 малочна-таварных ферм.
«Такая праца працягваецца, ужо ў найбліжэйшай будучыні новыя сучасныя фермы з'явяцца ў Чачэрскім, Хойніцкім, Брагінскім раёнах»,
– пахваліўся начальнік абласнога ўпраўлення.
