>
Афеляваныя з
карнымі структурамі Лукашэнкі тэлеграм-каналы выклалі так званае «пакаяльнае» відэа, у якім
мужчына распавядае пра тое, што ў сацсетцы Інстаграм ён быў падпісаны на нібыта
«дэструктыўныя Тэлеграм-каналы» і шляхам адпраўкі паведамленняў «займаўся распаўсюдам
гэтай дэструктыўнай інфармацыі».
Права на атрыманне і распаўсюд інфармацыі мае кожны
чалавек ад нараджэння ў адпаведнасці з Усеагульнай дэкларацыяй правоў чалавека.
Абмяжоўваць распаўсюд пэўнай інфармацыі дзяржава ў праве толькі з мэтамі аховы
маральнасці і здароўя людзей у аб’ёмах дапушчальных у дэмакратычным грамадстве.
Прызнаючы пэўныя крыніцы інфармацыі нібыта «экстрэмісцкімі», улады Беларусі
не абгрунтоўваюць у чым палягае яе негатыўны ўплыў на маральнасць і здароўе людзей.
Тым больш, незразумела з паведамленняў карнікаў, што канкрэтна дэструктыўнага ў інфармацыі, якую Анатоль Шчогалеў нібыта распраўсюджваў з «Тэлеграм-каналаў у сацсетцы Інстраграм».
У суправаджальным тэксце карнікі ў вычварнай і здзеклівай форме паведамляюць, што Анатоль Шчогалеў быў зняволены за свае нібыта правапарушэнні. Канкрэтная прычына зняволення не паведамляецца, але, зыходзячы з ягоных нібыта «прызнанняў» у відэа, гэта можа быць адміністрацыйны арышт павдле артыкула 19.11 КабАП.
Таксама ў тэксце уладаахоўных органаў утрымліваюцца адкрытыя запужванні людзей, якія з павагай ставяцца да колераў нацыянальнай сімволікі і не падтрымліваюць у палітычным сэнсе сілы, якія сілай утрымліваюць уладу ў Беларусі.
Анатоль Шчогалеў – выдомы рэчыцкі мастак-шаржыст, які маляваў
шаржы на шматлікіх вядомых людзей і потым урачыста дарыў іх ім. Пра яго
шматкроць распавядалі пралукашэнкаўскія СМІ, у прыватнасці газета адміністрацыі
Лукашэнкі «Советская Белоруссия», ці, як яна, мімікруючы, назвалася некалькі год
таму «СБ
Беларусь сегодня», а таксама прапагандысція дзяржаўныя тэлеканалы.