ГУБАЗіК выклаў відэа затрымання ў Калінкавічах мужчыны, які дапамагаў камандзе Ціханоўскай перад выбарамі. Да відэа ёсць пытанні

Палеская Вясна 13.05.2022

Паводле паведамлення ў тэлеграм-канале ГУБАЗіКа, мужчына затрыманы за рэгістрацыю ў плане «Перамога». Але відэа выклікае шэраг пытанняў.

Віктар ПЫРКО. Скрын-шот з відэа тэлеграм-канала ГУБАЗіКа

На відэа, выкладзеным у тэлеграм-канале ГУБАЗіКа бачна, як каля белага мікрааўтобуса стаяць двое людзей. Адзін з якіх ў чырвонай майцы, іншы ў белай кашулі. Потым з мікрааўтобуса выскокваюць трое людзей у нейкім форменным адзенні і касках і кладуць чалавека на зямлю. Той, лёгшы ў пыл спачатку на бок, а потым тварам уніз, папараўляе кепку на галаве, якая ад руху аднаго з сілавікоў, саскочыла. Пачас таго, як яго клалі на зямлю, чалавек у белай кашулі адыходзіць ад месца падзеяў і выходзіць з кадры. Затым у кадры з’яляецца жыхар Калінкавічаў Віктар Пырко, праўда ўжо без кепкі, але ў чырвонай майцы. Ён распавядае, што «натыркнуўся на спасылку плана “Перамога”, прайшоў там апытанне, пазней даведаўся, што гэта экстрэмісцкае фармаванне».



Таксама звяртае на сябе ўвагу прысутнасць на першых секундах відэа ў кадры часткі аўтамабіля «Lada», нумар якога пачынаецца на 32. Падобная машына і з падобным нумарам ёсць у Калінкавіцкім раённым аддзеле Следчага камітэта. А чалавек у белай кашулі, які стаіць з Пырко, вельмі падобны на следчага з Калінкавіцкага РАСК.

У пасце ГУБАЗіКу, у якім змешчана відэа, ёсць спасылка на іхні пост пра нібыта злітую базу дадзеных тых, хто зарэгістраваны ў плане «Перамога». Ініцыятыва BYPol, якая з’яўляецца адным з арганізатараў плану «Перамога», сцвярджае, што гэтая база не мае дачынення да рэальнайбазы дадзеных плана і гэта, хутчэй за ўсё, звесткі з фэйкавага боту, створанага як раз ГУБАЗіКам.

Таксама ў пасце ГУБАЗіКасцвярджаецца, што ў дачыненні Віктара Пырко завялі крымінальную справу паводле артыкула 361-1 (Стварэнне экстрэмісцкага фармавання альбо ўдзел у ім).

Затрыманы калінкавец – Віктар Пырко, у 2020 годзе неяк незаўважна пачаў з’яўляцца каля пікетаў па зборы подпісаў за вылучэнне Святланы Ціханоўскай кандыдаткай у прэзідэнты і дапамагаў чальцам ініцыятыўнай групы, а потым і ў арганізацыі некаторых агітацыйных мерапрыемстваў у розных гарадах вобласці, куды ездзіла каманда ініцыятыўнай групы і давераныя асобы. Але пазней актывісты дыстанцыяваліся ад яго, падазраючы ў супрацы з рэжымам. 

Хто яны, рэчыцкія "экстрэмісты"?

Жорж Кунцэвіч 21.07.2022