У Мазыры раніцай пяцёра работнікаў НПЗ выйшлі да прахадной з плакатамі. Увечары дваіх затрымалі

Палеская Вясна 30.10.2020

>>

Сёння да пачатку працоўнага дня, прыкладна ад 7 да 8 гадзіны раніцы каля галоўнай прахадной на Мазырскі нафтаперапрацоўчы завод стаялі ў ланцугу пяцёра работнікаў заводу з плакатамі «Колькі трэба АМАПаўцаў каб адкрыць засаўку?», «Колькі трэба пасадзіць, каб завод спыніць?», «Супраць гвалту».


Пасля сканчэння акцыі і з пачаткам працоўнага часу яны ўсе пайшлі на працоўныя месцы, каб у кіраўніцтва заводу не было фармальных прычынаў іх звольніць за дысцыплінарнае парушэнне. Пазней да завода праехала міліцэйская «Газэль» і доўга там стаяла. Некалькі супрацоўнікаў МУС прайшлі ў будынак заводакіраўніцтва. Але ў працоўны час нікога не затрымлівалі і нават не выклікалі да кіраўніцтва.

Пасля сканчэння працоўнага часу, пасля 18-й гадзіны, калі работнікі МНПЗ пачалі раз’язджацца дадому, аўтамабілі некаторых з іх на павароце з завода на аўтатрасу пачалі спыняць супрацоўнікі ДАІ. Таксама на вачах іншых работнікаў ад завода міліцыянты вялі некалькіх супрацоўнікаў.

На гэты момант вядома, што затрыманы эканаміст аддзела сацыяльнага развіцця Мікалай Жлоба і тэхнік ўліку 12-га цэху Таццяна Казловіч. Невядомае месца знаходжання інжынера-праграміста аддзелу аўтаматызаваных сістемаў упраўлення тэхналагічнымі працэсамі Дзмітрыя Каменскага, магчыма ён таксама затрыманы. Да яго дамоў прыходзілі міліцыянты, але яго самога ў той час дома не было.  

22 чэрвеня на світанні…

Жорж Кунцэвіч 09.06.2022