>>
У Мазыры Дзень славянскага пісьменства і культуры 24 траўня
прайшоў пад знакам дня памяці святых роўнаапостальных Мяфодзія і Кірыла.
Раніцай у кафедральным саборы Святога Архангела Міхаіла
прайшла літургія, якую ўзначаліў Праасвяшчэнны Леанід, епіскап Тураўскі і
Мазырскі. Затым адбыўся хрэсны ход па вуліцах горада на Замкавую гару. Адметна, што ў калоне заўважаныя
зусім юныя маўыране і мілітарысцкіх строях (на фота).
Усе мерапрыемствы прводзіліся па благаславенню Свяцейшага
Патрыярха Маскоўскага і ўсяе Русі Кірыла, паведамляе "Жыццё Палесся". Менавіта ён актыўна падтрымлівае расійскую
агрэсію ва Украіне і заклікае да гэтага праваслаўную паству.
А ў гэты час праваслаўная Царква Украіны з 1 верасня 2023
года пяройдзе на новаюліянскі каляндар (для нерухомых святаў).
«Раней казалі польскія (каталіцкія) і ўкраінскія
(праваслаўныя) святы, а сёння кажуць — украінскія і маскоўскія святы. Новы
каляндар будзе ўкраінскім, а тыя, хто застаецца на старым, — трошачкі на
маскоўскім», — распавёў журналістам мітрапаліт Вінніцкі Сімяон.
У прыватнасці, Каляды будуць святкавацца 25 снежня, а не 7
студзеня. Пакроў будуць адзначаць 1 кастрычніка, Вадохрышча — 6 студзеня, а
Дзень Святога Мікалая — 6 снежня.
Святкаванне Вялікадня і прывязаных да яго падзей застанецца
без змен. Сёмуху будуць святкаваць на 50-ы дзень пасля Вялікадня.
